Cyngor technegol a diogelwch

Cymerwch ofal
Gwisgwch helm bob amser.Teithiwch o fewn eich galluoedd a’ch sgiliau gan adael digonedd o amser am eich taith. Cyn cychwyn, gwnewch yn siwr bod eich beic yn ddiogel trwy archwilio olwynion, ffrwynau a’r gêrs. Dywedwch wrth rywun i le y byddwch yn mynd a phryd yr ydych yn bwriadu dychwelyd. Ewch â map priodol yr O.S, cwmpawd, offer cymorth cyntaf sylfaenol, bwyd ac arian gyda chi.

Offer
Ewch â’r offer trwsio sylfaenol gyda chi: y peth gorau yw aml-offeryn beicio penodol, neu bydd angen allweddi Allen 4mm, 5mm a 6mm, a thyrnsgriwiau bach pen gwastad a Phillips. Hefyd gwnewch yn siwr bod gennych chi bwmp, trosolion teiars, offer trwsio pynjar a nifer o diwbiau mewnol sbâr: mae’n haws amnewid tiwb na thrwsio pynjar.

Dillad
Byddwch yn barod am bob math o dywydd trwy wisgo sawl haenen o ddillad y gellwch eu haddasu. Ewch â siaced ddiddos ysgafn, hyd yn oed ar dywydd teg. Mae llodrau byr cwiltiog yn angenrheidiol - gellwch eu gwisgo o dan socasau mewn tywydd oer.

Côd Ymddygiad
Ildiwch i gefyllau a cherddwyr: arafwch, dywedwch “Siwmai” ac ildiwch.
Peidiwch ag ymyrryd â bywyd gwyllt, planhigion neu goed.
Cadwch at y llwybrau a gyhoeddwyd.
Caewch y clwydi y tu ôl ichi bob amser.
Ewch â’ch sbwriel gyda chi.
Peidiwch â chynnau tân.
Cadwch draw o weithgareddau coedwigaeth
Disgwyliwch yr Annisgwyl
Dim sgidio olwyn gefn: gall hyn cychwyn erydiad.
Byddwch yn ystyrgar a chwrtais bob amser i bawb y byddwch yn eu gweld ar eich taith.
Arafwch wrth ddod at fuarth neu feili fferm a’u croesi.