LLWYBRAU

Dyma’r canolfannau sydd yn rhoi mynediad i lwybrau beicio mynydd ac sydd yn cynnig y cyfleusterau canlynol:
• Yn agos i rwydweithiau o lwybrau oddi ar y ffordd
•Cyfleusterau parcio ar gychwyn a phen y daith
• Lluniaeth, toiledau, llety cyfeillgar i feicwyr, arwerthwyr offer yr awyr agored a mannau hurio beiciau mynydd.

Mae’r pum both yn cynnig diroedd amrywiol. Unwaith y byddwch wedi profi’r llwybrau o foth penodol, hwyrach y byddwch am symud ymlaen i’r un nesaf. Trwy aros dros nos, byddwch yn gallu arloesi’r llwybrau o ddau wahanol foth. Mae llu o weithgareddau eraill i’w mwynhau ymmhob un o’r ardaloedd ac o’u cwmpas.

»  MELYN

»  GLAS

»  COCH

Aberhonddu

Canolfan ddelfrydol ar gyfer beicwyr mynydd sydd yn cynnig dewis o lety, tafarnau a siopau beicio at ddant pawb. Os yn chwilio am adloniant gyda’r hwyr, mae sinema, theatr a chanolfan hamdden yma, ac mae amrywiaeth dda o siopau a lleoedd i fwyta i’r hunan-arlwywyr. Bu’r bwyty yng Nghanolfan Ymwelwyr y Parc Cenedlaethol erioed yn eli i lygaid beicwyr ac yn bendant bydd yn gallu rhoi hwb i lefel eich egni.

Mae rhagor o wybodaeth ar gael ar: www.breconbeacons.org

»  GLAS

»  COCH

Crughywel

Mae Crughywel yn cynnig dewis aruthrol o leoedd i fwyta. Mae ansawdd y siopau hefyd yn eithriadol am le mor fach. Mae siop offer awyr agored, fferyllydd a siopau bwyd, ac mae dewis da o lety a thafarnau, rhai ohonynt yn enwog am eu hysbrydon!

Mae rhagor o wybodaeth ar gael ar: www.crickhowell.org.uk

»  GWYRDD

»GWYRDD2

»  GLAS

»  COCH

Pontsenni

Tref fach tua 8 milltir i’r gorllewin o Aberhonddu yn ymyl pentref bach Defynnog. Mae Mynydd Epynt ychydig i’r gogledd yn hyfforddfan bwysig i’r Fyddin er nad yw’n llwybrau yn mynd trwy ardaloedd cyfyngedig. Mae cyfoeth o fywyd gwyllt yn yr ardal a byddwch yn fwy tebygol o weld y Barcud Coch yma nag mewn unrhyw fan arall. Mae nifer o dafarnau ym Mhontsenni ac ystod o lety, yn amrywio o hundai o safon a bythynod hunan-arlwyo i lety Gwely a Brecwast.

Mae rhagor o wybodaeth ar gael ar www.breconbeacons.org

»  GWYRDD

»  COCH

» COCH2

»  DU

Talgarth

Ar wahân i’w toreth o Lwybrau Beicio Mynydd penigamp, mae cyfleoedd di-ri ar gael yng nghyffiniau Talgarth am weithgareddau awyr agored: gleidio, marchogaeth, hwylio, canwo: dyma rai sydd ar gael ichi o fewn ychydig o filltiroedd o Dalgarth. Mae canolfannau gweithgaredd gerllaw sydd yn addas ar gyfer pob oedran a gallu. Cynigir ystod o lety at ddant pawb.

Cewch ragor o wybodaeth gan www.talgarthtic.demon.co.uk

»  GWYRDD

»  GLAS

»  COCH

Talybont

Yn enwog eisoes am Lwybr Taf, a rhodfeydd ar hyd y llwybr halio gamlas Gwent a Brycheiniog, mae’r pentref hwn yn berl go iawn. Datblygiad newydd yw Tramffordd Bryn Oer 8 milltir o hyd gyda’i llwybrau ar gyfer beicwyr, cerddwyr a marchogwyr. Mae llyfryn gyda gwybodaeth am y llwybrau a hanes yr ardal ar werth mewn Canolfannau Ymwelwyr. Mae gan y pentref gynnig da o lety a thair tafarn sydd yn gweini bwyd.

Am ragor o wybodaeth www.visitourbeacons.com