Weithiau bydd rhaid cau’r teithiau sydd yn mynd trwy dir Comisiwn Coedwigaeth Cymru oherwydd gwaith torri coed. Os bydd arwyddion yn gofyn ichi beidio â defnyddio llwybr arbennig, peidiwch â mentro arno, os gwelwch yn dda.

Y Parc Cenedlaethol

Mae Parc Cenedlaethol Bannau Brycheiniog yn gynefin go iawn i fywyd a gwaith y 30,000 a mwy o bobl sydd yn byw yma. I lawer o bobl leol, mae’r wlad hardd yn fwy na dim ond golygfeydd hyfryd: mae’n gartref a lle gwaith iddynt. Amaethyddiaeth fu’r dylanwad mwyaf ar yr ardal erioed. Dros filoedd o flynyddoedd mae wedi ffurfio’n raddol y dirwedd a welwn ni heddiw, gydag anifeiliad yn pori ar ffridd, cae a chomin, a chlytwaith o gaeau yn y dyffrynnoedd yn frith â ffermydd, pentrefi a threfi marchnad bach.